A cara "B" da música, na cara "B" da radio # The "B" side of music, on the "B" side of radio. Conducted by: André C. Pastor —Pequeno Monstro—.

xoves, 5 de maio de 2016

Off Mental - programa 85 (Philip Glass, 2)

Glass e Wilson, ultimando Einstein on the Beach

Edición nº 85 de Off Mental. 
- Especial PHILIP GLASS (2)

Contido:
  • Einstein on the Beach (CBS - Masterworks, 1979)
         - Knee 1
         - Knee 2

  • Satyagraha (CBS, 1985)
         - Act II (Tagore). Scene 1 (Confrontation and rescue)

  • Akhnaten (CBS, CBS - Masterworks, 1987)
         - Act III. Scene 3 (The ruins).
         - Act III. Scene 4 (Epilogue, extracto).         


Apresenta e conduce: André "Pequeno Monstro".  Difunden: Radio FilispiM (Ferrol), Radio Kalimera (Compostela), Radio Fene, Radio Eume (As Pontes), Radio Negreira e Radio Redondela.
Outras radios alternativas interesadas na emisión contactar co Pequeno Monstro.

venres, 8 de abril de 2016

Off Mental - programa 84 (Philip Glass)

Philip Glass

Edición nº 84 de Off Mental. 
- Especial PHILIP GLASS.

Contido:
  • 1000 Airplanes on the roof (Venture-Virgin, 1989)
        - 1000 Airplanes on the roof
        - City Walk
        - Girlfriend
        - My building disappeared
        - Screens of memory
        - What time is grey
        - Labyrinth

The Philip Glass Ensemble. Saxo: Richard Peck. Saxo, flute and synthesizer (wind): Jack Kipl, Jon Gibson. Vocals: Linda Ronstadt. Producer: Kurt Munkacsi. Conductor: Michael Riesman. Drama: David Henry Hwang. Music: Philip Glass.

  • The Voyage. An opera in three acts (Orange Mountain Music, 2006)
         - Act I scena 2 (interludio)
         - Act II scena 1

Soloists and chorus of the Landestheater Linz (Austria). Bruckner Orchester Linz. Conductor: Dennis Russell Davies. Libretto: David Henry Hwang. Story and music: Philip Glass. 

Presenta e conduce: André "Pequeno Monstro". Difunden: Radio FilispiM (Ferrol), Radio Kalimera(Compostela), Radio Fene, Radio Eume (As Pontes), Radio Negreira e Radio Redondela. Outras radios alternativas interesadas na emisión contactar en: offmental@gmail.com

Fonte documental: Revista Caos / wiki / ABC

venres, 1 de abril de 2016

Recuperamos as gravacións perdidas de Diálogos 3 (Radio 3).


Teño o pracer de presentar un novo blog temático adicado ao mítico programa de Radio 3 (RNE) Diálogos 3. As gravacións rexistradas orixinalmente en cinta casete, recuperadas do meu arquivo sonoro, serán dixitalizadas e acompañdas dunha pequena entrada introdutoria. A meirande parte dos contidos foron emitidos nos primeiros anos noventa e presentadas polo director do espazo, Ramón Trecet. Noutros casos están presentadas por Lara López. A característica fundamental destas gravacións é que se trata de especiais de fin de semana (durante un tempo Dialogos 3 emitíuse, ademáis, en fin de semana) onde Ramón e Lara programaban especiais de discos que se radiaban na súa integridade, biografías de artistas, monográficos de selos discográficos, estilos, etc.

Enlace do novo blog temáticohttp://dialogos3radio3.blogspot.com

Agardo que gostedes.

André C. Pastor, pequeno monstro (1/04/2016)

mércores, 23 de marzo de 2016

Diálogos 3 - especial audición de Nightwatch (Paul Halley) - emisión primeiros 90´s


Unha nova gravación, dixitalizada do meu arquivo sonoro, dun dos programas de Diálogos 3 (Radio 3), conducido por Ramón Trecet. Inda que non a teño documentada temporalmente, pola súa temática especial, debeu ser emitida nos primeiros 90. O programa non está completo e comeza coa segunda das pezas, dentro da audición do primeiro traballo de Paul Halley (Nightwatch, 1982) orixinalmente autoeditado polo autor en cinta casete e vinilo. No ano 1998 foi reeditado en disco compacto, coa portada que acompaña esta entrada. En calquer caso, na gravación deste Diálogos 3, disfrutaredes de case 22 min. do estupendo son do grande órgano da Catedral St. John the Divine (New York), interpretado por Halley e, como non, dos comentarios de Trecet.

Paul Halley naceu en Inglaterra en 1952 e cantou no coro da St. Matthew´s Church (Ottawa), cando a súa familia emigrou alí. Ao 16 anos, coma alumno do Real Conservatorio de Toronto, acada unha beca para especializarse en órgano no Trinity College de Cambridge. Entre os anos 1977 e 1989 exerce coma organista e mestre de capela da Catedral San John the Divine, colaborando co Paul Winter Consort na composición da Misa Gaia. Xa coma integrante e compositor do Consort, acada cinco premios Grammy. En 1999 abandona a formación de Paul Winter para comezar unha carreira en solitario. Na actualidade toca o órgano e canta na Capella Regalis Men e no coro de nenos King´s Chorus, ademáis de dirixir o King´s College Chapel Choir en Halifax, Nova Scotia (fonte: wikipedia).

A discografía de Paul Halley, como solista ao órgano e piano, mesmo sendo parte do Paul Winter Consort, é o seguinte: "Nightwatch" (1982), "Pianosong" (1986), "New Friend" (1986) con Eugene Friesen, "Whales Alive" (1987) con Paul Winter e Leonard Ninmoy, "Angel on a Stone Wall" (1991), 2Sound Over All Waters" (1998) con Theresa Thomason e, até a data, "Triptych" (2000).

En Nightwatch. a obra que recorre esta edición especial de Diálogos 3, reflicte aspectos cambiantes da noite, dende o fin da tarde até o mencer. A súa meditación improvisada execútaa dende o grande órgano da St. John de Divine, no transcorrer de cinco noites de gravación. A obra está divida en cinco partes: "Sunset/Dusk", "MoonDance", "Nocturne", "Nightwatch" e "Dawn/Sunrise". Máis información de como se desenvolve cada unha das partes, aquí.

Nota: libre difusión coa indicación da fonte e enlace blog: arquivo Pequeno Monstro (http://offmental.blogspot.com). Grazas.

mércores, 9 de marzo de 2016

Diálogos 3 - entrevista a Luis Delgado nos `Encuentros de Nueva Música´ de Sevilla (24/10/1989)

Luis Delgado

Restacamos estoutra edición histórica de Diálogos 3 (Radio 3-RNE) concucida por Ramón Trecet e realizada o 24 de outubro de 1989.

No transcurso do programa Ramón conversa con Luis Delgado nas horas previas ao seu concerto dentro do festival `Encuentros de Nueva Música´ de Sevilla, un clásico daqueles anos. O Teatro Lope de Vega sería o marco daquel evento, tras unha complicada montaxe técnica para o directo de `Alquibla´, serie documental dirixida por Rafael Carratalá con guión de Juan Goytisolo que divulga cultura árabe, e que naquela altura emitía TVE. Naquel concerto de Sevilla, acompañando a Luis Delgado no cenario, estiveron: Begoña OlavideCuco PérezJavier Bergia e Carlos Paniagua (da saga Paniagua). Neste enlace podes ler unha crónica do acontecido.

Os diálogos que teñen lugar durante o programa entre Trecet, Luis Delgado e ouvintes,  poñen de manifesto a pouca importancia coa que no seu programa trataba Trecet a músicos como Luis Delgado e iniciativas tan interesantes como o selo estatal `El Cometa de Madrid´ (La Orquesta de las Nubes, Patricia Escudero, Enrique Mateu, Macias, Ishinohana, Mecánica Popular, Luis Paniagua...). Hoxendía as referencias de `El Cometa´ son moi valoradas e procuradas por coleccionistas de todo o mundo. 

O certo é que, transcorridos 28 anos da emisión deste espazo, Luis Delgado segue a ser un dos músicos máis interesantes que teñan xurdido no Estado español. Integrante ou fundador de bandas coma Imán Califato Independiente, rock sinfónico; de formacións de música antiga (das tres culturas) coma Atrium Musicae, Música AntiguaIbn BayaCálamus ou Babia; de floc coma La Musgaña; de corte experimental coma Mecánica PopularIshinohana... sen esquecer as súas aventuras en solitario (Vathek). Ademáis, Luis Delgado é produtor e asesor musical para Planetarios, compositor de bandas sonoras para filmes, documentarios, teatro, ballet, e posuidor dunha das máis completas coleccións de instrumentos que poden verse no seu propio museu, o `Museo de la Música, Colección Luis Delgado´ na localidade vallisoletana de Urueña.

Disfrutade da interesante gravación...


Libre difusión, con indicación de fonte documentaria (Pequeno Monstro) e deste bog (Off Mental).

Outras referencias a Luis Delgado neste blog: aquí.
Outros Diálogos 3 rescatados polo Pequeno Monstro: aquí

luns, 7 de marzo de 2016

Off Mental - programa 83 (especial Esplendor Geométrico)

Esplendor Geométrico

Edición nº 83 de Off Mental. 
- Especial Esplendor Geométrico.

Contido:
  • EG1, Casete 1981 (edición CD, 2000)
        - Horno fundidor (Demo track)
        - Unidad de control (Demo track)
  • El Acero del Partido - Héroe del Trabajo (Lp, 1982)
        - Héroe del trabajo II
  • Kosmos Kino (Lp, 1987).
       - Trybuna robotnicza III
  • Mekano Turbo (Lp, 1988).
       - Ven a jugar.
       - Transmission.
  • Sheikh Aljama (CD, 1991).
       - Baraka.
       - Trafica.
  • Veritatis Splendor (CD, 1994).
       - La radio al día.    

Apresenta e conduce: André "Pequeno Monstro". Difunden: Radio FilispiM (Ferrol), Radio Kalimera (Compostela), Radio Fene, Radio Eume (As Pontes), Radio Negreira e Radio Redondela.
Outras radios alternativas interesadas na emisión contactar co Pequeno Monstro.


Discografía completa + info Esplendor Geométrico: Wiki

martes, 23 de febreiro de 2016

Off Mental - programa 82 (Coda Records - 3ª parte)

Claire Hamill (Voices) / Rick Wakeman (Country Airs)  / Eddie Hardin (Survival)


Edición nº 82 de Off Mental. 
- Especial Coda Records (Landscape). 3º parte.
  • EDDIE HARDIN - Lp. Survival (Coda Records, 1988).
         - Perfect survivor.
         - Lessons to learn.
         - Where do we go from here.
         - A slice of paradise.
  • CLAIRE HAMILL - Lp. Voices (Coda Records, 1986).
         - Tides.
         - Mist os the ridge.
         - Icicle rain.
         - Sleep.
  • RICK WAKEMAN - Country Airs (Coda Records, 1986).
          - Waterfalls.
          - Wild moors.

Apresenta e conduce: André "Pequeno Monstro". Difunden: Radio FilispiM (Ferrol), Radio Kalimera (Compostela), Radio Fene, Radio Eume (As Pontes), Radio Negreira e Radio Redondela.
Outras radios alternativas interesadas na emisión contactar co Pequeno Monstro.



Video da Landscape TV con música de Eddie Hardin
Related Posts Plugin for WordPress, Blogger...